رحاب الجمل للإعلامية ياسمين عز: «أنا بسمع نصايحك وبعمل بيها مع جوزي»

حلت الفنانة رحاب الجمل ضيفة على برنامج “كلام الناس” الذي تقدمه الإعلامية ياسمين عز عبر شاشة mbc مصر، والذي كشفت من خلاله عن العديد من مواقفها الحياتية وكذلك أعمالها السينمائية والدرامية، بالإضافة إلى إشادتها بنصائح ياسمين عز.

وقالت رحاب الجمل خلال لقائها مع برنامج “كلام الناس”: « أنا بسمع كلام ياسمين عز وبنفذ النصائح الخاصة بها، بس لو حصلتلي مشكلة هجيبك تحليها، أنا بنفذ كلامك من قبل ما يطلع البرنامج ولكن زادت بقا مع نصايحك، وبالرغم من قوة الأدوار إلا أني ليا شخصية برا البيت، أصلها مش حرب، وكمان في تفاهم ».

View this post on Instagram

A post shared by MBC Masr (@mbcmasrtv)

وأضافت رحاب الجمل: «أنا عندي شخصية بره البيت، لكن في البيت فيه تفاهم، لأن الأسرة والعيلة هي المكان اللي بتكوني ريلكس فيه ومرتاحة وقالعة الماسك، وأنا الحمد لله مرتاحة، وكتير بيفكروا أني صارمة وشخصيتي قوية، لكن بالعكس أنا في البيت مهزقة وهبلة أوي وتافهة وبلعب وأهزر، ومش بعدي حاجة إلا ولازم أتريق».

وتابعت رحاب الجمل متحدثة عن والدة زوجها قائلة: «أنا بحب حماتي جدًا كتير، حب على قد طيبتها واحترامها وحنيتها وأدبها وكلاس، وفيه أدب وشياكة ورقي، وأنت بتختاري الزوج لو مالوش خير في أم أبوه أوعي تفرحي دي مش شطارة لأنك مش هتكوني أغلى عنه منهم ما تتحشريش في اللي ما يخصكيش لأن مملكتك بيتك، ده ما يخصكيش خالص وده شفناه في أمهتنا وأجدادنا، وما تدخليش في اللي مالكيش فيه، لو ركزتي في حياتك هتتهني وتتبسطي».

اقرأ أيضا:
معلّقا على تصريحاتها.. وائل عبد العزيز: «أتجوزلكم ياسمين عز ونشوف هتعمل الكلام ده ولا إيه؟!»
ياسمين عز تثير الجدل بفيديو جديد: ليه جوزك بيمشي بعيد عنك؟
5 كلمات.. نصيحة ياسمين عز للستات في 2023 لو اتخانقت مع جوزها

أضف تعليق