قال الرئيس عبد الفتاح السيسي، إنه على تواصل مستمر ودائم مع منظمات المجتمع المدني، مضيفا نحن نحتاج إلى مزيد من الجهد من قبل هذه المنظمات، وهذا ليس معناه أن الدولة لن تقوم بدورها.
وتحدث الرئيس السيسي خلال كلمة بمؤتمر التحالف الوطني الأهلي عن الأوضاع الاقتصادية التي تمر بها البلاد، مستنكرا حديث البعض دون وعي عن تلك الأوضاع، قائلا: أنا شايف حتى الناس اللي ببتكلم.. بتتكلم كلام مش مترتب، وتحس انهم ما يعرفوش حاجة.
وناشد الرئيس الذين يتحدثون في أمور الدولة اقتصاديا بالحديث بالبيانات مازحا: بطلو هري.. بطلو هري بقة.
وأوضح الرئيس السيسي خلال مؤتمر التحالف الوطني للعمل الأهلي: نحن ندرك حجم التحدي أكتر من غيرنا.. أي اجتهاد من الآخرين مش مرفوض ولا مكروه بس يمكن يكون يعمل بلبلة ويزعج الناس أكتر من الظروف القاسية التي نعيشها، فاحنا مش عايزين نخوف الناس أكتر.. هو احنا كدولة وحكومة ما نقدرش نصمد أمام أي تحدي.. يعني لو مصر ظروفها صعبة هل سنتخلى عنها.. هو احنا دخلنا حروب ضيعنا فيها أموال مصر.. يا جماعة الحرب الأوكرانية الروسية دي مش بتاعتنا، وأزمة كورونا.. نحن ندفع ثمن زي ما كل الناس بتدفع.. بطلو هري.. بطلو هري بقة.
وأضاف الرئيس عبد الفتاح السيسي خلال المؤتمر الأول للتحالف الوطني للعمل الأهلي: شايف إنها أفكار جميلة جدا وتتناسب مع ظروف المجتمع، ونحتاج في 2023 لمزيد من الجهد الأهلى لأن الظروف صعبة.. وبتكلم بمنتتهى الصراحة.. وده ومش معناه أن الدولة مش هتقوم بدورها في هذا الموضوع، لكن عاوز أقول إن الظرف صعب جدا.. ولما بشوف حتى الناس لما بتتكلم مش بيخوفوا بعض.. يعني كلام مش متنظم وكلام مش مترتب.. وكلام ناس متعرفش حاجة”.