كشفت مها سلامة والدة مصطفى شوبير حارس فريق الكرة الأول بالنادي الأهلي عن فرحتها وسعادتها بعد تتويج ابنها مع الفريق بدوري أبطال إفريقيا للمرة 12 في تاريخ النادي، قائلة: «الحمد لله ربنا مضيعش تعبنا ولا تعبه».
وتابعت والدة مصطفى شوبير خلال مداخلة هاتفية مع الإعلامي أحمد موسى، مقدم برنامج على مسئوليتي المذاع على قناة صدى البلد، «اللي عمله هيخليه أحسن حارس في إفريقيا إن شاء الله».
وعن المقارنة بين ابنها مصطفى حارس الأهلي ووالده المعتزل أحمد شوبير، قالت: «مفيش مقارنة بينهم طبعًا، ولو زعل والده يبقى يزعل بقا مفيش مشكلة نقدر عليه».
وقالت والدة مصطفى شوبير: «كنا متوترين على آخرنا والحمد لله ربنا أكرمنا وأنا بزغرد من الصبح وكلمنا مصطفى فيديو كان فرحان ومبسوط».. قائلة: «الحمد لله الفوز النهاردة لابني من فضل ربنا ونعمه علينا، وألف مبروك لمصر وجمهور النادي الأهلي، وشكرًا لكل الناس اللي كلمتني وهنأتني».