عبر أكرم توفيق لاعب الفريق الأول لكرة القدم بالنادي الأهلي، عن امتنانه لجماهير المارد الأحمر، وذلك عقب تتويج الفريق بلقب دوري أبطال إفريقيا هذا الموسم 2023/2024، على حساب الترجي التونسي.
أكرم توفيق يشكر جماهير الأهلي برسالة مؤثرة
وكتب أكرم توفيق عبر حسابه الشخصي على موقع التواصل الاجتماعي «فيسبوك» اليوم الأحد: «لما عملت الاحتفال ده مع الجماهير بعد ماتش مازيمبي مکانش مجرد احتفال».
وأضاف خط وسط الأهلي: «مهما اتكلمت عن جمهور الأهلي عمري، ما هاقدر اديله حقه كلنا لما بنبقى واقعين بنتسند عليهم وبيهم عشان نقوم».
وواصل توفيق: «امبارح صوتهم اللي مسكتش ثانية واحدة أول الماتش لاخره كان بيخلي أي لاعب طاقته خلصت تتجدد تاني ويكمل ويدوس على نفسه عشان يفرح الجماهير».
وتابع: «كان مستحيل نخليهم يروحوا زعلانين وكان مستحيل الكاس تخرج من ملعب متقفل بجمهور الأهلي العظيم».
واختتم أكرم: «الحمد لله على بطولة إفريقيا رقم 3 ليا مع الأهلي وإن شاء الله مش هتبقى الاخيرة وألف مبروك لكل جماهير النادي الأهلي وبقول لهم طول مانتوا معانا وفي ضهرنا الجاي كله هيفضل بتاعنا».