أحمد عبد القادر.. لاعب الفريق الأول لكرة القدم بالنادي الأهلي، شن هجوماً لاذعاً، على صفحات جماهير النادي الأهلي، على مواقع التواصل الاجتماعي، وذلك عقب نهاية الموسم الحالي 2022/2023.
وحقق النادي الأهلي، فوزاً صعباً أمس الخميس، على حساب نظيره فريق المصري البورسعيدي، ضمن منافسات دور ربع نهائي بطولة كأس مصر، ليتواجد حامل اللقب في المربع الذهبي، ويضرب موعداً مع إنبي، حيث نجح الفريق البترولي في تحقيق الفوز على النجوم بنتيجة 3-1.
وهاجم أحمد عبد القادر صفحات جماهير النادي الأهلي عقب نهاية مباراة المصري، والتي حصل بعدها لاعبي المارد الأحمر على عطلة، استعدادا لخوض الموسم الجديد، ومباراة السوبر الإفريقي أمام فريق اتحاد العاصمة الجزائري مطلع سبتمبر المقبل.
أحمد عبد القادر يهاجم «صفحات» جماهير الأهلي
وكتب نجم النادي الأهلي عبر صفحته الشخصية على موقع التواصل الاجتماعي «فيس بوك»: «جمهور الأهلي أكبر منكم يا شويه «هايفين» سواء الأهلي اليوم أو ماجيكانو».
وأضاف عبد القادر: «بتقبضوا الفلوس علشان تعلوا لاعب وتوطوا لاعب، أنا موسم كامل ساكت مفتحتش بوقي ومش هفتح، بس فيه وقت لازم تتقوا ربنا فيه جو الأدمن بتاعكوا والفلوس الـ بتتوزع عليكم وقدام عيني».
وتابع: «شخص عرض عليا أعمل حملات «هجص» ولقطة وهنعليك وهنخليك في السما، دا مش عندي أنا ربنا بيكرمني علشان أنا عارف أنا بتعب ازاي وهفضل طول عمري شريف مش بتاع الف والفين جنيه أبيع بيهم كرامتي».
وأكد نجم النادي الأهلي: «أنتم لا تمسو للنادي الأهلي بشيئ النادي الأهلي أكبر نادي في العالم، مش في مصر والـ أنتو عاوزينو ده مبعملوش والأجازه يا أنا يا صفحاتكم الـ كلها نفاق ورشاوي».
واختتم أحمد عبد القادر: «بقول لأخر مرة أنا بتاع شغل مش بتاع رشاوي وبعدين لقطة ركز جو الملعب وسيبك منهم رد في الملعب، رد في الملعب أيه ما تنضجوا شويه لما حد بياخد فلوس ويغلط فيك سنة كاملة وأكتر ويشتم أهلك تقولي رد في الملعب ولما ترد يقولك متركزش معاهم، مين قال أنهم فارقين معايا اصلاً ولو أنتم فعلاً عندكم ذره ثقه وقلبكوا كان جايبكو مكنش البوست اتمسح بعد ساعه على طول. صباح الفل وجمعة مباركة».