وجه أحمد عيد عبد الملك، نجم منتخب مصر السابق، رسالة قوية إلى عضو نادي الزمالك، أحمد مرتضى منصور، بعد هجومه على قائد الفارس الأبيض الأسبق، أيمن يونس.
وكتب أيمن يونس عبر حسابه على “تويتر” اليوم: “السادة أعضاء المجلس المتبقين.. إذا كان لديكم ذرة حب متبقية جوه قلوبكم لـ نادي الزمالك.. فاستقيلوا حتى نتذكر لكم موقف جيد.. وكفاية بجد.”.
وواصل: ” أما عن شيكابالا الأسطورة المخلص ابن نادينا جينات.دم.. روح.فأنا أشهد لك أنك في كل مواقفك كنت عاشقا للزمالك وجماهيره.. بدون مزايدات”.
ليرد عليه أحمد مرتضى منصور، قائلا: “استقيل ليه؟! يا كابتن أنا واخد بطولات أكتر من حضرتك ١٠ مرات سواء عندما كنت لاعبا أو إداريا هل منطقي لو في إخفاق موسم واحد أستقيل”.
واختتم نجل مرتضى منصور: “للأسف الكلام بيكون قدام الناس كلام وفي الغرف المغلقة كلام تاني كابتن أيمن عندنا شغل أكتر من الكلام لو حابب تساعد تشرف دا نادينا كلنا لحضرتك كل الاحترام”.
وجاء رد أحمد عيد عبر موقع التواصل الاجتماعي “تويتر” أيضا: “البطولات وقف القيد.. فشل في تجديد عقود نجوم الفريق.. بيع نجوم الفريق.. بيع اهم لاعب في مركزه بدون نسبة اعادة بيع ورجوعه علي المنافس”.
وواصل: “١٠ سنين مخدتش دوري أبطال اللي كابتن أيمن معاه منه ٣ وأبوك اللي بيخوض في أعراض الناس واللاعيبة اللي في النادي”.
وأردف: “فرع ٦ أكتوبر اللي روحت اتصورت جنب الونش وجيت.. والنادي اللي بقي ١٠٠ ألف عضوية ومحدش بيعرف يقعد فيه.. ده حتى فشلت تظبط المنبه تصحي أخوك يدفع غرامة أتشيمبونج وصحيته علشان يتكتك لبابا في الانتخابات”.
وأضاف: “هو انت عمرك أخدت قرار أو أي حد معاك يقدر ياخد قرار انتو صورة بس!!”.
واختتم: “ادخل بقي كدة علي كلامك ده لكابتن أيمن اللي محدش ينفع يتقارن برباط جزمته ودمه اللي كان بيسيل في الماتشات علشان يعمل تاريخ للنادي وشوف رد فعل الناس لو لقيت ١٠ معاك من الجمهور يبقي انت الكسبان”.